【 赛高 影评 】《 热带雨 》滴滴雨点,彷彿似流泪

《 热带雨 》滴滴雨点,彷彿似流泪

一个女人,事业上嘅岗位不受重视、不受丈夫疼爱、充满母性却无法怀孕,只能同完全失去自理能力嘅老爷互相寄托,寻回一丁点存在价值,彷忽生命中各方面都无法被满足。一个男生,缺乏双亲关爱,血气方刚,对帮自己补课嘅老师主动求爱。两个人就好似两块拼图咁自然而然地拼埋一齐,互相填补缺失。

女主角完完全全係一个悲剧人物,佢好惨,惨到我几乎无法喺佢身上搵到一丝快乐。但佢角色非常立体,我都相信呢个世界喺存在住呢种人,可能就喺你同我身边擦身而过。我好同情佢,但无法认同佢,如果换转係我,喺个老公成日唔理自己底下应该开咗佢拖,然后发生家暴事件(欸?,所以后面发生嘅更悲剧事件就唔会出现。利申白羊座。

我本身唔係好识欣赏节奏咁慢嘅电影,头半个故仔慢慢慢慢咁舖~但的而且确我觉得杨雁雁嘅表演係值回票价。另外要讚扬嘅係杨世彬 ,即係个行动不便嘅老爷。角色几乎所有生活上你谂到嘅基本嘢佢都做唔到,食饭、上床训、沖凉……甚至失禁要抹屁股,女主角都要一一帮佢做。当呢一切要搬上大银幕再搵人演,可以话非常非常难,首先要肯演,外型又要切合角色,仲要演到毫无违和感。佢用手指喺男学生手臂比划教佢写唔识嘅字呢一幕好深刻,即使行动几有限制都好,都能够话到俾观众知呢个角色嘅心境,係有血有肉嘅人。呢个角色嘅离去,好似就喺女主角遍体鳞伤嘅身驱上再大劈一刀,唉。

配乐入面,许冠杰嘅是雨是泪真係食到正一正:就让雨把往昔都沖去,莫怨恨谁

文:sowhatmovie

instagram.com/sowhatmovie/

0
分享到:

评论0

请先

没有账号? 忘记密码?